以多士焗爐做烘焙前的心理準備

以多士焗爐做烘焙前，我們都應有心理準備，接受它的的小小不足，很多時跟大焗爐有以下的不同:

1.      它個子小，為我們省了很多地方，但因容量有限，很多時都要分2次甚至3次焗製。(唔知好定唔好，三妹比較怕一下子食同一樣野太多次，一般都只會做一爐少少的份量，做多了反而不喜歡 :P )

2.      它價錢平，三四百蚊有交易，唔知自己係咪有興趣、又或者冇時間一年整得兩三次都唔會太肉赤，但比起大焗爐，火力當然冇咁均勻，如果情況嚴重，就要每一段小時間將食物轉一轉位 (好彩，三妹的焗爐此情況不嚴重)

3.      它構造簡單，唔會有太多用不著的function，不過，如果有選擇，就買可以分開上火下火的 (即上下發熱線可分開控制開關的)，如有冇，都不要緊，用多張鍚紙隔開都ok。(至於三妹的焗爐，可以選上下火一齊/ only上火，但係冇淨下火架!)

所以，多士焗爐也很可愛的呀，識得善用，其實好好用。有時，比起大焗爐一推入爐等夠鐘仲更加有滿足感添!